Auto Market LLC დაარსდა 2012 წელს.
უკვე 2013–2014 წლებში კომპანიას, საქართველოს ნაციონალური ბიზნეს რეიტინგების კვლევის მიხედვით, ავტოიმპორტის სფეროში ლიდერი კომპანიის სტატუსი მიენიჭა.
2018 წელს კომპანია ოფიციალურად შევიდა უკრაინის ბაზარზე, სადაც მალევე დაიკავა წამყვანი პოზიციები როგორც საცალო ავტომობილების იმპორტის, ისე B2B მიმართულებით.
უკვე 2019 წლისთვის LLC Auto Market Ukraine უკრაინის სხვადასხვა ქალაქში 5 ფილიალს აერთიანებდა.
2020 წელს Auto Market Logistic ამერიკის შეერთებულ შტატებში იღებს ყველა აუცილებელ ლიცენზიას, რაც კომპანიას საშუალებას აძლევს ავტომობილების ექსპორტი დამოუკიდებლად, შუამავლების გარეშე განახორციელოს. ამან მნიშვნელოვნად გაზარდა კომპანიის კონკურენტული უპირატესობა და მიუხედავად პანდემიის გამოწვევებისა, კიდევ უფრო გააძლიერა მისი პოზიციები საერთაშორისო ბაზარზე.
2022 წელს კომპანია კიდევ ერთი ურთულესი გამოწვევის წინაშე დადგა – უკრაინაში ომის დაწყების შემდეგ. კრიზისის ეფექტურად სამართავად დაფუძნდა Auto Market Logistic Lithuania, რომელმაც მიიღო საერთაშორისო ავტოგადაზიდვების ლიცენზია ევროკავშირის ქვეყნებსა და მის ფარგლებს გარეთ. კლაიპედას პორტის მეშვეობით კომპანიამ უზრუნველყო ავტომობილების შეუფერხებელი მიწოდება უკრაინასა და ევროპის სხვა ქვეყნებში, რის შედეგადაც უკრაინის ბაზარზე ოპერირება წარმატებით გაგრძელდა.
2022–2023 წლებში კომპანია იწყებს განვითარების ახალ ეტაპს, რომლის მთავარი პრიორიტეტი მომხმარებლისთვის მაქსიმალური გამჭვირვალობის შექმნაა. ინერგება ვიდეოგაშუქების სისტემა, რომელიც მოიცავს ავტომობილის შეძენისა და მიწოდების ყველა ეტაპს – მომხმარებლის პირველ ვიზიტიდან ავტომობილის გადაცემამდე. ამ მიდგომამ პრაქტიკულად გამორიცხა ფარული ხარჯები და მნიშვნელოვნად გაზარდა მომხმარებელთა ნდობა, რაც პირდაპირ აისახა გაყიდვების ზრდაზეც.
2025 წელს კომპანია აფართოებს ოპერაციებს ამერიკის შეერთებულ შტატებში და ხსნის საკუთარ ტეხასის ოფისსა და ავტომობილების სადგომს (Storage Yard). ამით კომპანია კიდევ უფრო ზრდის მოქნილობას, ამცირებს ლოგისტიკურ ხარჯებს და აჩქარებს ავტომობილების დამუშავებისა და ექსპორტის პროცესს.
2026 წელს საქართველოში, ზემო ფონიჭალაში, ფუნქციონირებას იწყებს Auto Market Logistic-ის თანამედროვე ლოგისტიკური ტერმინალი, რომელიც მომხმარებლებსა და ავტოდილერებს სთავაზობს ავტომობილების უსაფრთხო განთავსებას, 24/7 ვიდეომონიტორინგს, სწრაფ ლოგისტიკურ მომსახურებასა და ოპერაციების სრულ კონტროლს.
დღეისათვის Auto Market LLC აერთიანებს 13 ფილიალს სხვადასხვა ქვეყანაში, ჰყავს 100-ზე მეტი თანამშრომელი და ყოველდღიურად ემსახურება როგორც საცალო მომხმარებლებს, ისე ასობით ავტოდილერს საერთაშორისო ბაზარზე.
ჩვენ არ ვჩერდებით მიღწეულზე. 2027 წლიდან კომპანია გეგმავს კიდევ არაერთ ინოვაციურ პროექტსა და მომსახურებას, რომლებიც კიდევ უფრო გაამარტივებს ავტომობილების იმპორტის პროცესს, შექმნის დამატებით ღირებულებას ჩვენი პარტნიორებისთვის და გააძლიერებს Auto Market Logistic-ის პოზიციას, როგორც რეგიონის ერთ-ერთი ყველაზე ინოვაციური და სანდო ავტოლოგისტიკური კომპანიის.